Carn (Natura-Beef)

Pacs da carn mischedai:

Nus vendin la carn en pacs mischedai. Tut nos pacs da carn mischedai cuntegnan circa:

7% entercote, 14% barsau, 11% carn stagliada, toc dil calun (huft), 14 % talgias, 9% filet, 21% carn manizzada, 9 % furtem, 15 % carn da cuer (quella carn da cuer sa era vegnir retergida sco ligiongias da barsar ni hamburgers)

Da cumprar singul:

  • ligiongias da barsar: 2.50 /toc
  • hamburgers:  2.00 /toc

Nus havein negina mazleria mobein in bein puril ed aschia savein nus buca porscher mintga di carn frestga. Nus mazzein pliras gadas ad onn. La carn frestga vegn porziunada e vaccumada tenor vies giavisch. La carn frestga savein nus termetter per posta, per Swiss-Mond Express. Quei vul dir che nus mettin la sera il pac sin posta e vus retschevis el la proxima damaun ni che vus saveis secapescha era vegnir direct a Trun per la carn frestga. Aschia stueis vus mo aunc metter la carn en vossa schalentera. In truchet dalla schalentera ha pilpli plaz per 10kg carn.

Carn schelada saveis vus cumprar igl entir onn tier nus. Carn schelada savein nus buca termetter per posta. 

Truffels

Nus vendin en tastgas da 4 kg per 1.50 per kilo ni era en sacs pli gronds la sorts:

  • Ditta
  • Laura
  • Agria

per CHF 1.20 per kg.

Ovs

Vus saveis cumprar ovs da nossas gaglinas en nossa pintga stizun da survir sesez a Pustget ni el Volg a Trun per 60 raps il toc.

Ovs cuntegnan proteins, vitamins e substanzas mineralas. 

Caschiel d'alp

Il bien caschiel da l'alp Nadéls vendein nus per CHF 20.-- per kg.

Motivs per cumprar en tiel pur:

  1. Vus enconuschis il menaschi puril ed ils produzents.
  2. Ils viadis da transport seigi quei dil vadi ni dalla carn ein cuorts.
  3. Ils vadials restan durant 10 meins tier lur mummas. All’entschatta beiban els cunzun latg vacca, pli tard lu era pastg e fein.
  4. Ils animals survegnan neginas substanzas che fan crescher pli spert ni medicaments sco antibiotica.
  5. Vus profiteis da buns prezis da cumpra.
  6. Vus saveis nua e co ils animals han viviu ed haveis era la pusseivladad da vegnir a mirar e controllar quei.
  7. Ils products ein sesiunals.
  8. Vus sustenis l’agricultura indigena.