Pacs mischedai:

5 kg Salers Natura-Beef à CHF 28.00
10 kg Salers Natura-Beef à CHF 28.00
15 kg Salers Natura-Beef à CHF 28.00

Ils pacs carn vegnan pachetai tenor il diember da persunas giavischai.

Tut nos pacs carn mischedai cuntegnan:

entrecote, barsau, carn stagliada, talgias, carn manizzada, furtem, filet, calun (huft), ligiongias da barsar, hamburgers, carn da cuer ni enstagl dalla can da cuer carn manizzada ni hamburgers

Temps da grillar

Hamburger CHF / toc 2.00 1 toc ca. 90g
Ligiongas da barsar CHF / ligiongia 2.50  

Per ulteriuras damondas, ina cussegliaziun persunala ni era giavischs spezials stein bugen a disposiziun. 

Catrina Livers
Silvio Bass
Via Gravas 3
7166 Trun

natel: 079 447 93 84
e-mail: catrina(at)pustget.ch

Qualitad dalla carn

Nos animals, pigns e gronds san da stad ed unviern mintga di ir ora el liber. Ils vadials restan tochen ella vegliadetgna da circa 10 meins tier lur mumma san beiber latg da lur mumma . Dasperas maglian els da stad pastg e d’unviern fein e silo. Els survegnan negin pavel concentrau (Kraftfutter), negins supplements per far crescher pli spert ni medicaments sco antibiotica. 

Cunquei ch’els creschan pli plaun che auters ei lur carn fetg aromatica e piarda pli pauca aua duront cuschinar. Il gust e la consistenza dalla carn schai denter carn vadi e carn bov.

Cunquei che la carn ei vacumada sa ella vegnir tegnida si tochen 8 dis en frestgera.

Schalenter en carn

La carn dils Salers ei fetg aromatica e savurusa. La carn schegia buca ora aschi spert duront cuschinar cunquei ch’ella carn vegn da tener siu suc en ella. Ella ha in gust tut aparti. La temperatura dalla schalentera sto esser denter -18 tochen -20 grads. Il caum da schalentar dalla frestgera ei buca ideals per schalentar en carn per pli liung temps. 

Con ditg san ins schalentar en carn senza che la qualitad pitescha?

toc carn temps en schalentera tier -18 grads
barsau 8    meins
filet 8    meins
entrecotes 8    meins
calun (huft) 8    meins
carns stagliada 6    meins
talgias 6    meins
furtem 6    meins
carn manizzada 3-5 meins

Tipps ed infos:

  • La carn ei vacumada e sa vegnir tenida si en frestgera tier maximal 5 grads circa in’jamna.
  • Ils hamburgers vegnan furni schelai e ston immediat vegnir mess en schalentera.
  • Il dir (Leber) sto vegnir consumaus enteifer 2 dis ni schalentaus en.
  • Schalentar: Mai metter carn frestga sin carn schelada e mintgamai mo metter ina alzada carn in sin l’auter.
  • Sgargliar: Schar sgargliar la carn en frestgera. Tenor grondezia cuoza quei denter 12-24 uras. Schar sgargliar la carn en il furn da mirco-undas (Mikrowelle) sminuescha la qualitad dalla carn. Minimum 1 ura avon da cuschinar prender la carn ord frestgera.